fbpx

ඉදිරි දින කිහිපය අවදානම් – 27 වනදා රට විවෘත කිරීමට නොලැබෙන ලකුණු

ඉදිරි දින කිහිපය අවදානම් – 27 වනදා රට විවෘත කිරීමට නොලැබෙන ලකුණු

කොවිඩ් – 19 වෛරසය අසාදිතයන් රටේ විවිධ ප්‍රදේශවලින් හමුවීමත් සමග ඉදිරි දින කිහිපය අවදානම් කාලයක් බව රජයේ වෛද්‍ය නිලධාරීන්ගේ සංගමයේ ලේකම් වෛද්‍ය හරිත අලුත්ගේ පවසනවා.

මේ ආකාරයෙන් ඉදිරි දින කිහිපයේදීත් දිගින් දිගටම විවිධ ප්‍රදේශ වලින් රෝගීන් වාර්තා වුවහොත් එළැඹෙන 27 වැනිදා වන විට ද රට විවෘත කිරීමට නොහැකි වන බවයි වෛද්‍ය අලුත්ගේ සඳහන් කරන්නේ.

තවමත් සිදුකරන පරීක්ෂණ ප්‍රමාණවත් නොවන බැවින් දිනකට පරීක්ෂණ 1500ක් සිදුකිරීමට හැකියාවක් ඇත්නම් දැනට පවතින අවධදානම් තත්ත්වය අවම කර ගැනීමට හැකි බවද ඔහු පෙන්වා දෙනවා.

සෞඛ්‍ය අංශයේ ඇතැම් පිරිස්වල ආකාර්යක්ෂමතාවය හේතුවෙන් රට යථා තත්ත්වයට පත් කිරීමේ ක්‍රියාවලිය සති 03ක් පසුපසට ගොස් ඇති බව ද ​හෙතම වැඩිදුරටත් සඳහන් කර සිටිනවා.

මේ අතර පොකුරු ආකාරයට කොරෝනා රෝගීන් බිම් මට්ටමින් හමුවීම ආරම්භ වුවහොත් රෝග පාලනය සෞඛ්‍ය කාර්ය මණ්ඩලයෙන් ගිලිහී යනු ඇතැයි ද රජයේ වෛද්‍ය නිලධාරීන්ගේ සංගමය අනතුරු අඟවනවා.

මේ වන විට දිවයිනේ ප්‍රදේශ ගණනාවකින් පොකුරු ආකාරයට රෝගීන් හමුවෙමින් පවතින අතර ඉදිරියේ දී තවත් මෙවැනිම ප්‍රදේශ හමුවීමට ඉඩ ඇති බැවින් වහාම දිවයින පුරාම ව්‍යාප්ත වන ලෙස පරීක්ෂණ කටයුතු ආරම්භ කරන ලෙස ද සංගමයේ ලේකම් වෛද්‍ය හරිත අලුත්ගේ සෞඛ්‍ය අමාත්‍යාංශයෙන් ඉල්ලීමක් කරනවා.

දිවයිනේ සෑම ප්‍රදේශයකින්ම ජනගහන අනුපාතය අනුව නියැදි තෝරා ගනිමින් පරීක්ෂණ ආරම්භ කරන ලෙස සංගමය පසුගිය මාර්තු මාසයේ සෞඛ්‍ය අමාත්‍යාංශයට දැනුම් දුන් නමුත් ඔවුන් ඒ කෙරෙහි වැඩි අවධානය යොමු නොකළ බවයි වෛද්‍ය අලුත්ගේ පවසන්නේ.

Source – TrueNews.lk ඉදිරි දින කිහිපය අවදානම් – 27 රට විවෘත කිරීමට නොලැබෙන ලකුණු

administrator

Related Articles