මගේ පාර්ට්නර් දුර පළාත් වල ඇවිදින තරුණයෙක්.. සමහරු හැමදේම වැරදියට තේරුම් ගන්නවා… මම ඒ ගැන එච්චර හිතන්නේ නැහැ… – ගයාත්රී
ගයාත්රි ඩයස් අලුත් වැඩක් පටන් අරන්.
වැඩේ මොකක්ද කියලා නොදැනම, සමාජ මාධ්යයේ හුවමාරු වන වීඩියෝපට කිහිපයක්ම ඔබත් දකින්න ඇති.
මේ වීඩියෝ පිටුපස ඇති කතාව ගැන ගයාත්රි ගෙවුණු දවසක කතාබහ කරලා තිබුණා.
”වීඩියෝ නම් වෛරල් වෙනවා. කොහොමත් මාව සෝෂල් මීඩියා ඇතුළේ කතාවට ලක්වෙන කෙනෙක් වෙලා.
මමත් ඒක හරියටම දන්නේ නැහැ. නමුත් මේ දවස්වල මගේ වීඩියෝ ටිකක් එහෙට මෙහෙට වෛරල් වුණා.
මම ටික්ටොක් එකේ හරි ඉන්ස්ටර්ග්රෑම් එකේ හරි මොනවා හරි එකක් දැම්මොත් හුඟක් වෙලාවට වෛරල් වෙනවා.
එහෙම වෛරල් වුණු වීඩියෝ ටිකක් තමයි පසුගිය දවස් ටිකේ ගියේ.”
ගයාත්රි මේ විදියට පටන් අරන් තිබුණෙ ට්රැවල් වැඩක්…
”හැමෝම දන්නවා මම සත්තුන්ට ආදරෙයි කියලා. ඒ වගේම ලෝකය පුරා ට්රැවල් කරන්න කැමැතියි.
එහෙම කාලයක් තිස්සේ එහෙ මෙහෙ යන වීඩියෝ තමයි මගේ ඉන්ස්ටර්ග්රෑම්වල ටික්ටොක්වල දැම්මේ.
ගොඩක් අය ඒවා බලන්න ආසයි. ඉතිං මට පොඩි ආසාවක් ආවා යූටියුබ් නාළිකාවක් ඔස්සේ මේ වැඩේ පටන් ගන්න.
ඒක තමයි දැන් මේ Travel vibe කියලා පටන් ගත්තේ.”
ඒ වගේම ඇය තවත් වටිනා වැඩකටත් කාලය යොදවලයි තියෙන්නෙ,
”පාරේ අසරණ වෙලා ඉන්න බල්ලො, පූසෝ වෙනුවෙන් ඉන්න තැනක් හදාගෙන යනවා.
ඔවුන්ට බේත් ටික කරලා, කන්න බොන්න දෙන්න පුළුවන් සාමාන්ය තැනක්.
ඇත්තටම මම මේ දවස්වල ඔය වැඩේටත් කාලය යොදවලා තියෙනවා.
මේ අදහස මට ආවෙත් ලංකාව පුරා ඇවිදින කොටයි.”
ගයාත්රිගේ ට්රැවල් වීඩියෝ ගැන ගොඩක් දෙනා කතා කරන්න අරන් තිබුණෙ, එහි උන්නු තවත් චරිතයක් නිසාවෙන්. මේ ඔහු ගැන ගයාත්රි කියන කතාව.
”මේ වගේ වැඩක් ඇත්තටම කියන්න තනියම කරන්න අමාරුයි. ඉතිං මේකට තව කවුරු හරි ඉන්න ඕනෑ.
ඒ වැඩේට මම ගොඩකාලයක ඉඳලා කවුරු හරි හොය හොයා හිටියේ.
එහෙම වෙලාවක තමයි මගේ මේ වැඩේට මගේ පාර්ට්නර්ව හම්බ වෙන්නේ.
ඔහු දුර පළාත්වල ඇවිදින තරුණයෙක්. නම මීමන්ත. ඉතිං මම මේ වැඩේට ඔහුව තෝරා ගත්තා.
ඔහුත් එක්ක අපි එහෙට මෙහෙට ඇවිදලා පොඩි පොඩි වීඩියෝ පට කිහිපයක් කරගත්තා.
ඒ වීඩියෝ ටික මම දැම්මට පස්සේ තමයි පොඩ්ඩක් වෛරල් වෙලා තියෙන්නේ.
මොකද සමහර අය හුඟක් වෙලාවට මේ හැමදෙයක්ම වැරදියට තේරුම් ගන්නවා.
එහෙම දෙයක්ද කොහේද වෙලා තියෙන්නේ.
මම ඒ ගැන එච්චර හිතන්නේ නැහැ. මම කරන වැඩේට තමයි මම මූලිකත්වය ලබාදෙන්නේ.”
උපුටාගැනීම : දිනේෂ් විතාන | මීවිත
