කොළඹ නගරය රාත්රී කාලයේ හරිම ලස්සනයි…
ඉතිං මේ කියන්න හදන්නේ කොළඹ නගරයේ වෙන්න යන වෙනස්කමක් ගැනයි…
රාත්රී කාලයේ සංචාරක ක්රියාකාරකම් වැඩි කිරීම හරහා දේශීය ආර්ථිකය ඉහළ නැංවීම, සංචාරක කර්මාන්තය නංවාලීම සහ කොළඹ නගරයේදී අත්විඳිය හැකි සංචාරක අත්දැකීම් වැඩි කිරීම සඳහා ව්යුහගත ප්රවේශයක අවශ්යතාව හඳුනාගෙන තිබුණා.
ඒ අනුව, “සමුද්රීය මාර්ගයේ රාත්රී යාමය: නොනිදන කොළඹ” (Marine Nights: Awakening Colombo) තේමාව යටතේ කොල්ලුපිටිය දුම්රිය ස්ථානයේ සිට දෙහිවල දක්වා කිලෝමීටර 7.4ක් පමණ වන කොළඹ සමුද්රීය මාර්ගය සංවර්ධනය කිරීමේ ව්යාපෘතියක් ක්රියාත්මක කිරීමට සැලසුම් කර තිබෙනවා.
එහිදී ගාලු මුවදොර කෙලවර සිට ශාන්ත තෝමස් ප්රාථමික පාසල දක්වා මීටර 400ක් පමණ වන කලාපය කෙරෙහි වැඩි අවධානයක් යොමු කිරීමටයි අපේක්ෂා කර ඇත්තේ.
මේ සඳහා යෝජිත ව්යාපෘතිය ක්රියාත්මක කිරීම පිණිස විදේශ කටයුතු, විදේශ රැකියා සහ සංචාරක අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
