කැස්බෑව, බටුවන්දර උත්සව ශාලා භූමියක තිරික්කලයක ගැටගසා සිටි ගොනකු හදිසියේ කුලප්පු වී ප්රධාන මාර්ගයට පැන දිවයාම හේතුවෙන් ඊයේ (25) දහවල් එහි නොසන්සුන් තත්වයක් ඇතිවිය.
ප්රදේශයේ ජනයා හිස් ලූ ලූ අත දිව යන්නට වූයෙන් සිද්ධිය ඇසින් දුටු වාහන හිමියෝ සිය වාහන නතර කර ගැනීමට කටයුතු කළහ.
එම අවස්ථාවේදී තිරික්තලේ නැග සිටි වයෝවෘද්ධ අයකු උත්සව ශාලා පිහිටි භූමියේ ඇද වැටී ඇති බව එම ආරංචි සඳහන් කරයි.
එලෙස තිරික්කලය සමග ගොනා වේගයෙන් දිව යාමේ දී තිරික්කලේ රෝදයක් වාහනයක පැටලීමෙන් ගොනා කිරික්තලයෙන් වෙන්ව ඇතැයි දැනගන්නට ඇතැයි වැඩිදුරටත් දැනගන්නට ඇත.
එම අවස්ථාවේ දී මාර්ගය ජනාකීර්ණ නොවීම හේතුවෙන් සිදු වීමට ගිය විශාල අනතුරක් නූලෙන් වැළකුණු බව සිද්ධිය ඇසින් දුටුවෝ වැඩිදුරටත් පවසති.
