දේශීය පුවත්
බේරුවල හොර ගබ්සා සායනයක් වටළා දොස්තර කෙනෙක් අත්අඩංගුවට ගනී – බේරෙන්න පොලිසියට අල්ලස් දෙන්න හදලා!
බේරුවල ප්රදේශයේ ක්රියාත්මක වන ගබ්සා සායනයක සිදුකරන ලද වැටළීමකදී වෛද්යවරයකු අත්අඩංගුවට ගෙන ඇති බව පොලිසිය පවසයි.
ලද තොරතුරක් මත වලාන මධ්යම දූෂණ මර්දන ඒකකයේ නිලධාරීන් විසින් මෙම වැටළීම සිදුකර ඇත.
පොලිසියට අනුව, සේවාදායකයකු ලෙස පෙනීසිටි බුද්ධි නිලධාරිනියක රහසිගතව සිදුකළ මෙහෙයුමකින් වෛද්යවරයා කොටුකර ගෙන ඇත.
පසුව, නිලධාරීන් කළුතර මහේස්ත්රාත් අධිකරණයෙන් සෝදිසි වරෙන්තුවක් ලබාගෙන ඇති අතර, විශේෂ පොලිස් කණ්ඩායමක් සමග ඊයේ (8) වැටළීම සිදු කරතිබේ.
මෙහෙයුම අතරතුර, සැකකාර වෛද්යවරයා අත්අඩංගුවට ගන්නා විට, රහසිගත නියෝජිතවරියක් ලෙස යොදවා ඇති කාන්තා පොලිස් කොස්තාපල්වරියක් ගබ්සාවකට භාජනය කිරීමට සූදානම් කර සිටි බව කියනු ලැබේ.
වැටළීමේදී ගබ්සා කිරීම සඳහා භාවිත කරන ඖෂධ තොගයක් ද පොලිසිය විසින් අත්අඩංගුවට ගෙන ඇත.
සැකකරු මීට පෙර බේරුවල ප්රදේශයේ සේවය කළ හිටපු වෛද්ය නිලධාරියෙකු බවත්, ඔහු එක් ගබ්සාවකට රු. 45,000 ක් හෝ ඊට වැඩි මුදලක් අයකර ඇති බවත් විමර්ශනවලින් හෙළිව තිබේ.
අත්අඩංගුවට ගැනීමෙන් පසු, වෛද්යවරයාගේ සහායකයා එම ස්ථානයේදීම සිහිසුන්ව ඇදවැටුණු බව වාර්තා වේ.
අත්අඩංගුවට ගැනීම වළක්වා ගැනීම සඳහා ඕනෑම මුදලක් ගෙවීමට ඉදිරිපත් වෙමින් සැකකරු නිලධාරීන්ට අල්ලස් දීමට උත්සාහ කළද බව පොලිසිය තවදුරටත් පවසයි.
වැඩිදුර පරීක්ෂණ සිදුවෙමින් පවතී.
