දේශීය පුවත්
කැළණි සරසවියම හඬවා ආදරණීය ගුරු පියාණන් ජීවන රඟ මඬලෙන් නික්ම යද්දි ඥාති සොහොයුරාත් දිවි ගමනෙන් සමුගෙන ගිහින්….
මධ්යම අධිවේගී මාර්ගයේ පසුගියදා සිදුවූ බිහිසුණු අනතුරකින් අවසන් ගමන් ගිය, කැලණිය විශ්වවිද්යාලයේ දර්ශන අධ්යයන අංශයේ මනෝවිද්යා ඒකකයේ ප්රධානියා ලෙස කටයුතු කළ ගුනේන්ද්ර ගයන්ත මහතාගේ අවසන් කටයුතු අද සවස සිදු කෙරුණා.
ඒ මාකොළ නෙල්ලිගහවත්ත සුසාන භූමියේදී.
මේ අතර එම අනතුරෙන් තුවාල ලද ගුනේන්ද්ර ගයන්ත මහතාගේ බිරිඳගේ සහෝදරයා ද අද දින අවසන් ගමන් ගොස් තිබෙනවා.
ඔහුගේ දේහය සඳුදා දින කොළඹ පුද්ගලික මල්ශාලාවක තැන්පත් කෙරෙන බව සඳහන්.
ගුනේන්ද්ර ගයන්ත ආචාර්යවරයා ඇතුළු පවුලේ පිරිස මෙම බිහිසුණු අනතුරට මුහුණපා තිබුණේ, යාපනය ප්රදේශයේ සංචාරයක නිරත වී, ආපසු පැමිණෙමින් සිටියදීයි.
