ඉන්දියානු පාර්ලිමේන්තුවෙන් පිටත අගමැති නරේන්ද්ර මෝදි පිටුපසින් සිටින කාන්තා කමාන්ඩෝවරියකගේ ඡායාරූපයක් සමාජ මාධ්ය තුළ වෛරල් වෙමින් පවතිනවා.
මෙම ඡායාරූපය භාරතීය ජනතා පක්ෂයේ (BJP) පාර්ලිමේන්තු මන්ත්රිවරියක වන රංගන ශිල්පිනී කන්ගනා රනවුත් විසින් සමාජ මාධ්ය වෙත මුදා හැර තිබුණා.
කන්ගනා එය ඇගේ සමාජ මාධ්ය වෙත එක් කර තිබුණේ “Lady SPG” කැප්ෂනය සමඟයි.
කෙසේ වෙතත් ඡායාරූපයේ සිටින කාන්තාව අගමැතිවරයාගේ විශේෂ ආරක්ෂණ කණ්ඩායමේ (Special Protection Group – SPG) ආරක්ෂක නිලධාරිනියක් බවයි බොහෝ දෙනෙක් පවසා තිබුණේ.
නමුත් ඇය මධ්යම පොලිස් බලකායේ (CRPF) සහකාර අණ දෙන නිලධාරිනියක වන අතර ඉන්දිය ජනාධිපති ද්රෞපදී මුර්මුගේ පුද්ගලික ආරක්ෂක නිලධාරිනියක (PSO) ලෙස සේවය කරන බව ඉන්දීය මාධ්ය වාර්තා කර තිබෙනවා.
