ජනප්රිය රංගන ශිල්පිණි මහේෂි මධුශංකාගේ සැමියා පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු 30 වනදා දක්වා රක්ෂිත බන්ධනාගාර ගත කර තිබෙනවා.
ඒ පොලිස් නිලධාරීන් දෙදෙනෙකුට පහරදී තුවාල සිදු කිරීමේ සිද්ධියකට අදාලවයි.
ඔහුගේ පහරදීමෙන් බරපතළ තුවාල ලද බොරලැස්ගමුව පොලිසියේ නිලධාරීන් දෙදෙනෙකු කළුබෝවිල ශික්ෂණ රෝහල වෙත ඇතුළත් කර ඇති අතර මහේෂි මධුසංඛා පවුල් ආරවුලක් ගැන බොරලැස්ගමුව පොලීසියට දුරකථන මාර්ගයෙන් කරන ලද පැමිණිල්ලක් මත එහි ගිය පොලිස් නිලධාරීන්ට එම නිවසේ දී ඇගේ සැමියා විසින් මෙම ප්රහාරය එල්ල කර ඇති බවටයි තොරතුරු වාර්තා වෙන්නේ.
ඇයගේ පැමිණිල්ල සටහන් කර ගනිමින් සිටියදි පොලිස් නිලධාරීන්ට මෙලෙස පහර දී ඇති අතර ගැටුම බේරන්නට මැදිහත් වූ තවත් නිලධාරියෙක්ද තුවාල ලබා තිබේ.
පසුව තවත් පොලිස් කණ්ඩායමක් ගොස් සැකකරු අත්අඩංගුවට ගෙන ඇති අතර ඒ වන විටත් ඔහු අධික ලෙස බීමත්ව සිට ඇති බව සඳහන්.
ගැටුම මත ඔහුට ද තුවාල සිදුවී තිබීම හේතුවෙන් ඔහු ද කළුබෝවිල රෝහලට ඇතුළු කර ඇත.
මහේෂිගේ සැමියා ලෝ ප්රකට එමිරේට්ස් ගුවන් සමාගමේ ගුවන් නියමුවරයෙකු ලෙසයි සේවයේ නිරත වන්නේ.
