“බය වෙන්න එපා.කොහොම හරි අපි උස්සගෙන යමු.. ” පාසල් මිදුලේදී මට හමු වූ ඒ උදාර සහෝදරත්වය. මේක නම් බලන්නම ඕන කතාවක්.

අනිත් පැත්තෙන් කොල්ලෝ රැල… ඒ ටිකත් එක පොදියට රොක් වෙනවා. “බය වෙන්න එපා බ.. කොහොම හරි අපි උස්සගෙන යමු.. අපිත් ඉන්නවා ” කියලා ඒ දෙන හයිය, ලෝකයේ තියෙන ඕනෑම මිල අධික බෙහෙතකට වඩා වටිනවා. තමන්ගේ රැළේ කෙනෙක් මඟ හැරෙන්නට ඉඩ දෙන්නේ නැහැ. “යමු කොහොම හරි..” කියමින් මුලින්ම උරහිස දෙන්නෙත්, හයියට තල්ලුවක් දෙන්නෙත් ඒ හිතමිතුරන්මයි.

තමන්ගේම ලෝකයක අතරමං නොවී, රංචුවේ එකෙක් වෙනුවෙන් දහඩිය හලන අපේ ඒ පොඩි වීරයෝ… ඇත්තටම මේවා තමයි මේ විශ්වයේ අපේ පාසල් මිදුලවල් ඇතුළේ දිනපතා තිරගත වෙන සුන්දරම කෙටි චිත්‍රපට.

පන්තියක උගන්වන වෙලාවක වුණත්, නැත්නම් වෙනත් බරපතළ වැඩක් අස්සේ වුණත්, ජනේලයෙන් එපිට පෙනෙන මෙවැනි දසුනක් ගාව හිත නතර වෙනවා.