මාතර පිරිවෙන් හාමුදුරුවරු පිණ්ඩපාතය වඩිනවා. වෙනද වගේ දානේ වෙනුවෙන් නෙවෙයි වියලි ආහාර එකතු කරන්න, වෙනදා මුහුදු රස්සාවේ ගියපු කොල්ලො ටික බෝට්ටු ටික පටවන් උඩහට ආවා, හැමතැනම මිනිස්සු ලේ දන්දෙන තැන් වල පිරිලා ඉතිරිලා, පන්සල් පල්ලි හන්දි ගානෙ බඩු එකතු කරනව හැම නගරෙකම වගේ, මාතර බෝධිය ලඟ විතරක් ඊයෙ දවසට මිලියන තිහක වගේ බඩු එකතු උනා. ඇයි ඒ?
හේතුව තමයි, අපි අවතැන් උනාම අපට කන්න දුන්නේ උඹලා, අඳින්න දුන්නේ උඹලා, නැගිටින්න හයිය දුන්නෙත් උඹලා, මතකයි බං අවුරුදු ගානක් ගියත් අපිට ඒවා එකක් නෑර මතකයි. මුලු දකුණම හිස් කරලා හරි උඹලව බලාගන්නව, උඹලව ආයෙ නැගිට්ටනවා බය වෙන්නෙපා.
මේ පාර යුතුකම අපේ! 
