ශ්රී ලංකාවේ පැවැත්වෙන විස්සයි විස්ස ක්රිකට් තරගාවලිය නැරඹීම සඳහා විදේශීය සංචාරකයන්ගේ පැමිණීම ඉහළ යාමත් සමඟ කුකුළු මස් හා බිත්තර මිල ගණන් සැලකිය යුතු ලෙස ඉහළ ගොස් ඇති බව වාර්තා වේ.
කුකුළු මස් නිෂ්පාදකයෝ පෙන්වා දෙන්නේ, සංචාරකයන්ගේ පැමිණීම වර්ධනය වීමත් සමඟ සංචාරක හෝටල් ඇතුළු සමස්ත හෝටල් ක්ෂේත්රය තුළ බිත්තර හා කුකුළු මස් සඳහා වන ඉල්ලුම සීඝ්රයෙන් ඉහළ ගොස් ඇති බවයි. මෙම ඉහළ යන ඉල්ලුමට සාපේක්ෂව මිල ගණන් ද ඉහළ නැංවීමට සිදුවී ඇති බව ඔවුහු වැඩිදුරටත් කියා සිටිති.
මේ වන විට රුපියල් 800 ත් 900 ත් අතර පැවති හම සහිත කුකුළු මස් කිලෝවක මිල රුපියල් 1,100 ක් දක්වා ඉහළ ගොස් තිබේ. එසේම, බිත්තරයක මිල රුපියල් 36 ත් 37 ත් අතර අගයක් දක්වා වර්ධනය වී ඇති අතර, හම රහිත කුකුළු මස් කිලෝවක් රුපියල් 1400 ක් දක්වා මිල වී ඇත. කුකුළු මස් නිෂ්පාදකයන් වැඩිදුරටත් සඳහන් කරන්නේ, මෙම මාසය තුළ මෙරටට පැමිණි සංචාරකයන්ගේ සංඛ්යාව ද සැලකිය යුතු ලෙස ඉහළ ගොස් ඇති බවයි.
කෙසේ වෙතත්, ශ්රී ලංකා සත්ව නිෂ්පාදකයන්ගේ සංගමයේ සභාපති අජිත් එච්. ගුණසේකර මහතා ප්රකාශ කළේ, ඉදිරි දින කිහිපය තුළ කුකුළු මස් මිල ගණන් යළි අඩුවනු ඇති බවයි.
