කැලණි ගංඟා ද්‍රෝණියට ඉතිහාසයේ මෙතෙක් ඇති නොවුණු ආකාරයේ අධි අවදානම් ගංවතුර තත්ත්වයක් පිළිබඳව වාරිමාර්ග දෙපාර්තමේන්තුව අනතුරු අඟවයි.
එම රතු නිවේදනය අද (28) සවස 1.00ට නිකුත් කර ඇති අතර ඉදිරි පැය 24 තුළ මෙම තත්ත්වය ඇති විය හැකි බවට අනතුරු අඟවා ඇත.
කැලණි ගංගා ද්‍රෝණියේ ධාරා ප්‍රදේශවල බොහෝ තැන්වලට මේ වනවිට අධික වර්ෂාපතනයක් ලැබෙමින් පවතින බව කාලගුණ විද්‍යා දෙපාර්තමේන්තුව සඳහන් කරයි.
එනිසා ජීවිත ආරක්ෂා කරගැනීමට දැඩි සැලකිල්ලෙන් කටයුතු කරන ලෙසත් උපරිමයෙන් ආරක්ෂිත ස්ථානයන් කරා හැකි ඉක්මනින් ළඟා වෙන ලෙසත් ජනතාවට දැනුම්දීමක් කරයි.
