පමාවී උත්සව ශාලාවට යන්න පිටත්වුණු මනාලියට නොසිතූ කරදරයක්.. මනාලිය මෙන්ම රූපලාවන්‍ය ශිල්පිනියත්, රියැදුරුත් රෝහලේ..

මෙලෙස ඔවුන් ගමන් ගත් මෝටර් රථය පාර මැද පෙරළී යෑමෙන්තුවාල ලැබූ රියේ සිටි මනාලිය හා ඇගේ රූපලාවන්‍ය ශිල්පිනියත්, රියැදුරුන් බිංගිරිය රෝහලට ඇතුළත් කර තිබුණා.

ඊයේ අලුයම 4.00 ට පමණ සිදු වූ මෙම අනතුරින් තුවාල ලබා ඇත්තේ මුන්දලම ප්‍රදේශයේ පිරිසක් බව පොලිසිය පවසන්නේ.

ඔවුන් මුන්දලම සිට හලාවත හරහා කුරුණෑගල බලා ගමන් කරමින් සිටියදී බිංගිරිය වැව අසල පාර මැද සිටි සුනඛයකු බේරීමට යෑමේ දී රැය පාරෙන් ඉවතට පැන ඇති බව රියැදුරු පවසා තිබුණා.

කෙසේ වුවද රෝහල් ගත කළ පිරිසගේ තත්ත්වය බරපතල නොවන බව රෝහල් ආරංචි මාර්ග පවසයි.

මෝටර් රථයට බරපතල හානි සිදුව ඇති අතර, බිංගිරිය පොලිසියේ රථවාහන අංශයේ නිලධාරීහු මේ පිළිබඳව වැඩිදුර පරීක්ෂණ සිදු කරන බවයි වාර්තා වෙන්නේ..