ලෝක ප්‍රසිද්ධ සටන් නළු ජැකී චෑන් (Jackie Chan) ඔහුගේ මුළු ධනයම ඩොලර් මිලියන 400ක් ලෙස ඇස්තමේන්තු කර එය ඔහුගේපුත් ජේසි (Jaycee)වෙත ලබා නොදී පුණ්‍ය කටයුතු සඳහා පරිත්‍යාග කිරීමට තීරණය කළේ වසර කිහිපයකට ඉහතදීය.
මේ වන විට 70 වැනි වියේ පසුවන හොංකොං හි උපත ලද ජාත්‍යන්තර සිනමා තරුවක් වන ජැකී චෑන්ගේ වෘත්තීය ජීවිතය ඉතා දිගුසාර්ථක එකකි. ඔහු සතු ධනය ඇමෙරිකානු ඩොලර් මිලියන 400 ඉක්මවයි. The Rush Hour හි තරුව මීට පෙර තමාගේ සියලු ධනයපුණ්‍ය කටයුතු සඳහා පරිත්‍යාග කිරීමට සැලසුම් කරන බව ප්‍රකාශ කිරීම ආන්දෝලනාත්මක වුණා.
ඔහුගේ එකම පුත් ජේසි නළුවෙකු සහ සංගීතඥයෙකු වන අතර ඇස්තමේන්තුගත ශුද්ධ වටිනාකම ඇමරිකානු ඩොලර් මිලියන 2 ක්පමණයි. 2011 වසරේ බීජිං නුවර පැවති සම්මාන උළෙලකදී ඔහු ඒ බව පවසා තිබුණා.
ජැකී චෑන් ඩොලර් මිලියන 400 ක උරුමය පුතාට අහිමි කළේ ඇයි?
ඔහු එවැනි දැඩි තීරණයට එළැඹුණේ ඇයි ද යන්න බොහෝ දෙනෙකුට ගැටලුවක් වුණා.
“ඔහු දක්ෂ නම්, ඔහුට තමාගේම මුදල් උපයා ගත හැකියි. ඔහු එසේ නොවේ නම්, ඔහු මගේ මුදල් නාස්ති කරයි” ජැකී එයට ලබා දී තිබූසරල පිළිතුර එයයි.
ඒ වන විටත් ඔහුගේ ධනයෙන් අඩක් පුණ්‍ය කටයුතු සඳහා පරිත්‍යාග කර තිබුණු ඔහුට ඒ සඳහා ඊට එහා ගිය වෙනත් හේතුවක් තිබියහැකි බවයි බොහෝ දෙනෙකුගේ මතය වුණේ. ඔහු මත් ද්‍රව්‍යවලට අබ්බැහි වූවකු වීම හේතුවෙන් ජැකී සිය පුතු පිළිබඳ දැඩි කළකිරීමෙන්එවැනි තීන්දුවක් ගන්නට ඇතැයි බොහෝ දෙනෙක් අනුමාන කළා.
2014 දී එවකට 31 හැවිරිදි ජේසි චෑන් මත්ද්‍රව්‍ය චෝදනා මත අත්අඩංගුවට ගෙන මාස හයකට සිරගත කරනු ලැබුවා. එවිට ජැකී තමපුතා වෙනුවෙන් චීන සමාජ මාධ්‍ය වේදිකාවක් වන Weibo හි සමාව අයැද සිටියා. හිරෙන් නිදහස් වී පැමිණි ජේසි තමා කළ වැරදි ගැනසියලු දෙනා වෙත කණස්සල්ල ප්‍රකාශ කළා.
ඇතැම් වාර්තාවලට අනුව ජැකී ඔහුගේ ජීවවිද්‍යාත්මක පුතු වූ ජේසි සමඟ ඔහුගේ කුඩාකාලයේ පටන් ලොකු සම්බන්ධතාවයක් දක්වානැහැ.ජේසි ඔහුගේ බිරිඳගේ කුසේ ගැබ් ගත් අවස්ථාවේදී පවා ඔහු එයට කැමැත්තක් දක්වා නොමැති බවත් කුඩාකල ජේසිගේ සුළුවැරදිවලට පවා දැඩි දඬුවම් දුන් බව සඳහන්.
එමෙන්ම ඔහුට ජේසි පමණක් නෙවෙයි චීන සම්මතයන්ට පිටින් පැවති වෙනත් සබඳතාවයකින්ද දරුවෙක් සිටින අතර ඇය දියණියක් බවපැවසෙනවා.
