පසුගියදා නිමාවට පත් වූ පාර්ලිමෙන්තු මැතිවරණයත් සමඟ පසුගිය කාලය පුරාවටම පාර්ලිමේන්තුව නියෝජනය කළ මැති ඇමතිවරු රැසකටම පරාජය හිමි වූවා.
ඒ අතර බොහෝ දෙනාගේ අවදානය දිනා සිටි හිටපු අමාත්‍ය මනුෂ නානායක්කාර ද වනවා.
ඔහු පරාජයට පත්වීමත් සමඟ ඔහුගේ පළමු විවාහයේ බිරිඳ ගැනද සමාජ මාධ්‍ය ඔස්සේ යළිත් උත්කර්ෂයට නැගෙනු දැකගන්නට ලැබෙනවා.
මනුෂගේ පළමු විවාහයේ බිරිඳ වන රංගන ශිල්පිනි රොෂානා ඕන්ඩච්චි මේ වන විට සිය දියණිය සමඟ ගත කරන අතර මනුෂ තිදරු පියෙක්.
කොහොම නමුත් පැරණි මතක සිහි ගන්වමින් මනුෂ දේශපාලනයට පිවිසි මුල් බිම ගැන ඡයාරුවක් ද සිය මුහුනුපොතට එක්කර ඇති රොෂානා ”2004 මෙහෙමලු පටන් ගැන්ම… ලොකු රවුමක් ගිහිං ආයිත් ආපු තැනටම ” ලෙස සඳහන් කර තිබෙනවා.
ඒ සමඟම ඇය තවත් තැනක සඳහන් කර තිබෙන්නේ මනුෂ, තමා සහ සිය දියණිය සදහටම අතහැර යන්නේ නොවම්බර් 14 දාක වන අතර ඔවුන්ගේ දික්කසාදය හිමිවන්නේ ද එදිනම බවයි. දෛවයේ සරදමක් ලෙසින් නොවැම්බර් 14 දාම ඔහුට පාර්ලිමේන්තු වරම් අහිමි වීම ”කර්මය” බවත් ඇය එහි සඳහන් කර සිටිනවා.
කෙසේ නමුත් රොෂානාගේ දියණිය මේ වන විට ඕස්ට්‍රේලියාවේ උසස් අධ්‍යාපන කටයුතු වල නිරත වන අතර විටින් විට ඇය ද විදෙස්ගතව දියණිය සමඟ ගත කරනවා.
